Тайванда варрак болани осмонга учириб кетди

Синьчжу шаҳрида бўлиб ўтаётган варрак учириш фестивалида қизалоқ варракнинг думига ўралашиб қолди.

Тайванда уч ёшли қизалоқни варрак осмонга учириб кетди. Ушбу воқеа тасвирланган лавҳа YouTube каналига жойланди.

Синьчжу шаҳрида бўлиб ўтаётган варрак учириш фестивалида қизалоқ варракнинг думига ўралашиб қолди. Осмонга учирилган варрак болани ҳам ўзи билан бир неча метр баландликка олиб чиқиб кетди.

Фестивал қатнашчилари уни қутқариб қолишди. Улар варрак пастлаганида қизалоқни тутиб олишди.

Қизалоқ қўрққанини ҳисобга олмаганда унга ҳеч қандай жароҳат етмаган.

#Тайван #варрак