Вакциналар пандемияни тўхтатмайди – ЖССТ
16 ноябр куни Американинг Moderna компанияси ўзи ишлаб чиққан вакцина самарадорлиги 94,5 фоизни ташкил этганлигини маълум қилганди.
Вакциналар коронавирус пандемиясини буткул тўхтатмайди, аммо унинг тарқалишига қарши курашда катта умид беради. Бу ҳақда ЖССТнинг Европа минтақавий бюроси директори Ҳанс Клуге айтди.
“Технологиялар ва фармацевтика компаниялари олдимизда янги уфқлар очмоқда. Вакциналар СОVID-19’ни буткул тўхтатмаса ва барча саволларимизга жавоб бўлмаса ҳам, бу вирусга қарши урушда катта умид беради”, – деди Клуге.
Унинг қўшимча қилишича, охирги ҳафталарда вакциналар тўғрисида яхши янгиликлар пайдо бўлди. Клугенинг сўзларига кўра, вакциналар бошқа қўшимча чора-тадбирлар билан биргаликда касаллик тарқалишига қарши курашда ёрдам бериши мумкин.
16 ноябр куни Американинг Moderna компанияси ўзи ишлаб чиққан вакцина самарадорлиги 94,5 фоизни ташкил этганлигини маълум қилганди.
Орадан икки кун ўтиб, Pfizer коронавирусга қарши вакцинаси 95 фоиз самарадорлик кўрсатганлигини эълон қилди.
Мавзуга оид
00:28 / 19.09.2024
Дунёда бир ой ичида қарийб 50 минг кишида вабо аниқланди
13:54 / 18.09.2024
Коронавируснинг янги варианти ХЕC тарқалмоқда: у олдингиларидан қандай фарқ қилади?
21:15 / 13.09.2024
ЖССТ маймунчечакка қарши биринчи вакцинани тасдиқлади
15:54 / 07.09.2024