Қўшимча функционаллар
-
Тунги кўриниш
UzAuto Motors Equinox учун шартномалар тузишни тўхтатди
Chevrolet моделлари қатори янгиланиши муносабати билан Equinox кроссоверининг ҳозирги авлодини ишлаб чиқариш тўхтатилади.
Chevrolet Equinox автомобилини АҚШдан импорт қилаётган UzAuto Motors компанияси бу модел учун шартномаларга ариза расмийлаштириш тўхтатилганини маълум қилди.
«UzAuto Motors» АЖ дилерлик ташкилотлари билан биргаликда мижозлар олдидаги мажбуриятларининг тўлиқ бажарилишини ва Chevrolet Equinox автомобилларини ҳарид қилиш учун аввалдан шартнома тузган сўнгги мижозларга тўлиқ етказиб берилишини таъминлайди», – дейилади компаниянинг 5 февралдаги ахборотида.
Эслатиб ўтамиз, UzAuto Motors Chevrolet Equinox ва яна учта премиум классдаги кроссоверлар импортини 2020 йил бошидан бошлаган эди.
2020 йил кузида компания Equinox кроссоверларини 22,8 минг долларга сотиб олиб, 33,6 минг долларга сотаётгани маълум бўлганди.
UzAuto Motors бир йилдан ошиқроқ вақтдан буён хориждан олиб келинаётган Trailblazer, Traverse, Equinox ва Tahoe автомобиллари учун бошқа импортёрлар каби импорт божини тўлаётгани ёки тўламаётгани маълум эмас. Олий Мажлис депутатлари бу ҳақдаги сўровига жавобан Давлат божхона қўмитасидан «махфий маълумотлар» ёзилган хат олган. Компаниянинг ўзи бу ҳақда маълумот бермай келади.
Мавзуга оид
17:25 / 22.02.2021
Манба: UzAuto Motors мижозлар билан шартномалар тузишни март ойидан бошлайди
21:06 / 20.02.2021
Январь ойида UzAuto Motors'нинг автомобиль ишлаб чиқариши 4 баробарга қисқарди
10:19 / 25.01.2021
Янги авлоддаги Tracker’нинг нархи маълум қилинди
11:06 / 30.12.2020