Швейцария Сенати қуролларни Украинага реэкспорт қилишга рухсат берди
Кантонлар кенгаши Швейцария қуролларини импорт қилувчи мамлакатларга беш йилдан сўнг уларни қайта сотишга рухсат бериш ҳақида қарор қабул қилди.
Швейцария Сенати (Кантонлар кенгаши) қонунга ўзгартириш киритишни маъқуллади, унга кўра, Швейцария қуролларини ҳарбий можароларда иштирок этаётган мамлакатларга реэкспорт қилиш мамлакатнинг бетарафлиги концепциясига зид эмас ва унга маълум шартлар асосида рухсат берилиши керак. Бу ҳақда 7 июн, чоршанба куни чоп этилган Сенат сайтидаги пресс-релизда маълум қилинди.
Тегишли қарор учун 22 сенатор ёқлаб, 17 нафар сенатор қарши овоз берди, яна тўрт нафари бетараф қолди.
Ҳозирда Швейцария қуролларини сотиб олган барча давлатлар ишлаб чиқарувчининг рухсатисиз уларни экспорт қилмаслик мажбуриятини имзолайди. Кантонлар кенгаши "Швейцария қадриятларига хайрихоҳ бўлган" импорт қилувчи мамлакатларга Швейцария розилигисиз беш йилдан кейин қуролларни қайта сотишга рухсат берилиши мумкин деган қарорга келди. Шунингдек, қуролларни ҳарбий можароларда иштирок этаётган мамлакатларга қайта сотиш мумкин, аммо бунда улар ўзини ҳимоя қилаётган бўлиши шарт.
Эндиликда тузатиш парламентнинг иккинчи палатаси – Швейцария Миллий кенгаши томонидан кўриб чиқилиши керак. 2 июн куни у буни рад этганди.
Мавзуга оид
14:50 / 25.09.2024
Швейцария парламенти Голодоморни геноцид деб тан олди
23:10 / 22.09.2024
Швейцария аҳолиси бир йил ичида иккинчи марта пенсия ислоҳотига қарши чиқди
07:20 / 18.09.2024
Ўзбекистонга ўқотар қурол олиб кирмоқчи бўлган фуқаро ушланди
20:44 / 03.09.2024