Қўшимча функционаллар
-
Тунги кўриниш
Абдуқодир Ҳусанов «Ланс» футболчисига айланди
Ўзбекистон ёшлар ва миллий жамоаси аъзоси Абдуқодир Ҳусанов фаолиятини Францияда давом эттиради.
Фото: ЎФА
ЎФА ва «Энергетик-БГУ» клуби Ўзбекистон миллий жамоаси ва Беларус клуби ҳимоячисининг «Ланс» клуби аъзосига айланганини тасдиқлади. Championat.asia сайти маълумотига кўра, Абдуқодир Ҳусанов тиббий кўрикдан ўтгач, «Ланс» клуби билан 4 йиллик шартнома тузган. Ўзбекистонлик ҳимоячи француз клубида 25-рақам остида ўйнайди.
Лансликлар якунланган мавсум Франция чемпионатида «ПСЖ»дан (85) бир очко кам (84) жамғариб, 2-ўринни эгаллаган ҳолда янги мавсумдан Европа Чемпионлар лигасида иштирок этади.
Аввалроқ, Ўзбекистон ёшлар жамоаси (U20) сафида Осиё чемпиони бўлган ва Аргентинадаги ёшлар ўртасидаги ЖЧ-2023да иштирок этган Абдуқодир Ҳусановнинг ўйинлари европалик скаутлар томонидан кузатилгани ҳақида хабарлар тарқалганди.
Маълумот учун, Ҳусанов жорий мавсум Минск клуби сафида 8 ўйинда битта голга муаллифлик қилган. Шунингдек, у Ўзбекистон миллий жамоаси сафида CAFA Nations Cup-2023 баҳсларида дебютини ўтказди.
Эслатиб ўтамиз, ҳозиргача Европа кучли бешлик чемпионатларидаги ўзбекистонлик ягона футболчи Элдор Шомуродов эди. Ҳусанов бу борада иккинчи ўйинчига айланди.
Мавзуга оид
22:10 / 06.11.2024
Абдуқодир Ҳусанов Франция чемпионатида октябр ойининг энг яхши ёш ўйинчиси деб топилди
16:09 / 31.10.2024
Ямал, Виртц ва Ҳусанов — Squawka кучли бешликнинг энг яхши вундеркиндлари ҳақида мақола эълон қилди
11:19 / 25.10.2024
Ҳусанов, Ямал, Гулер, Майну — IFFHS йилнинг энг яхши ёш футболчиси бўлишга даъвогарларни маълум қилди
23:12 / 30.09.2024