Хоразмда ўқитувчиларни мактабни тозалашга жалб этган директор жазоланди
У маъмурий жаримага тортилди.
Хоразм вилояти, Янгибозор туманидаги 28-сон мактаб ўқитувчилари меҳнат шартномасида кўрсатилмаган, ўз хизмат вазифаси доирасига кирмайдиган ишларга жалб қилингани аниқланди.
Хоразм вилояти Камбағалликни қисқартириш ва бандлик бош бошқармаси Давлат меҳнат назорати инспекцияси ижтимоий тармоқларда бу ҳақдаги хабар тарқалгач, ҳолатни ўрганиб, ўқитувчилар мактабни тозалаш ишларига жалб қилинганини аниқлаган.
Шундан сўнг, мактаб директорига нисбатан Маъмурий жавобгарлик тўғрисидаги кодексининг 49-моддаси (меҳнат ва меҳнатни муҳофаза қилиш тўғрисидаги қонунчиликни бузиш) 1-қисми билан маъмурий жарима қўлланган.
Хабарда мактаб директорининг исми-шарифи ва жарима миқдори келтирилмади.
Мавзуга оид
18:40 / 18.09.2024
Урганч давлат университети томонидан ўтказилган тендерда қонунбузилиши аниқланди
17:08 / 10.09.2024
Ўқитувчиларни овоз йиғишга мажбурлаган мактаб директори 34 млн сўм жаримага тортилди
11:40 / 10.09.2024
Хоразмда 4 туп дарахт кесган шахс жарима ва зарар учун 27,8 млн сўм тўлайди
10:43 / 05.09.2024