Жанубий Хитой денгизида Хитой ва Филиппин кемалари тўқнашиб кетди

Ҳодиса баҳсли Жэнай рифи ҳудудида юз берган.

Фото: Anadolu Agency

Душанба куни Жанубий Хитой денгизидаги баҳсли ҳудудда Хитой кемаси ва Филиппин таъминот кемаси тўқнашиб кетди.

Бу ҳақда Хитой Халқ Республикаси қирғоқ қўриқлаш бошқармаси хабарида айтилади.

Баёнотга кўра, Филиппин кемаси Жэнай рифига туташ сувларга (Филиппинда Иккинчи Томас йўналиши деб аталади) «ноқонуний равишда кириб келган».

«Филиппин кемасининг Хитой томони бир неча марта огоҳлантиришларига қарамай ва сувдаги ҳодисалар олдини олиш бўйича халқаро қоидаларни бузган ҳолда Хитой навигация кемасига хавфли яқинлашгани тўқнашувга сабаб бўлди», — дейилади хабарда.

Пекин Иккинчи Томас йўналишини ўзининг акваторияси деб билади.

#Филиппин #Хитой