Turkiya Qozog‘iston bilan viza tartibini soddalashtirdi

Turkiyaning Qozog‘istondagi elchixonasi Turkiya Qozog‘iston fuqarolari uchun vizaning rasmiylashtirilishini soddalashtirilganini ma'lum qildi. Endilikda vizani olish uchun hujjatlarni onlayn tartibda topshirish mumkin.

Bu haqda Qozog‘iston tashqi ishlar vazirligining Facebook’dagi sahifasida ma'lum qilindi.

“Ma'lumki, Turkiya va Qozog‘iston fuqarolari uchun bir oylik vizasiz tartib amal qiladi. Turkiyaning Qozog‘istondagi elchixonasining ma'lumotiga ko‘ra, 2016 yilning 5 yanvaridan boshlab Turkiyaning barcha toifadagi vizalarini (ish, o‘qish va boshqa) rasmiylashtirish uchun barcha murojaatlar, vizasiz safarlardan tashqari, www.visa.gov.tr saytidagi “viza murojaatlari onlayn tizimi” orqali qabul qilinadi”, deb aytilmoqda xabarda.

Ta'kidlanishicha, bu yangilik tizimga zarur ma'lumotlarning bevosita viza olish uchun murojaat qilayotgan shaxslar tomonidan dastlabki qiritilishi orqali vizani tezlashtirilgan va soddalashtirilgan rasmiylashtirish uchun mo‘ljallangan.