Erdo‘g‘an: AQSh IShIDga qurol yetkazib bermoqda
Turkiya prezidenti Rajab Toyyib Erdo‘g‘an AQSh prezidentligi uchun Demokratik partiya nomzodi Hillari Klintonni, uning Suriyadagi kurd bo‘linmalariga qurol berishni ma'qullagani uchun tanqid qildi.
"Klinton xonim bunday bayonot bermasligi kerak", - degan Erdo‘g‘an mahalliy sud vakillari bilan Anqara shahrida o‘tkazgan uchrashuvida.
Klinton 9 oktabr kuni Sent-Luis shahrida respublikachilar nomzodi Donald Tramp bilan o‘tkazgan telebahslarida Suriyadagi Demokratik ittifoq partiyasining bo‘linmalarini qurollantirish fikrini bildirgan edi. Anqara ma'muriyati bu partiyani terrorchilik tashkiloti deb hisoblaydi.
"Terrorchilar bilan o‘ynashish – olov bilan o‘ynash kabidir. Olov bizni aylanib o‘tgan bilan boshqalarni ayab o‘tirmaydi", - degan Erdo‘g‘an.
Turkiya yetakchisi, shuningdek, AQShni Demokratik ittifoq hamda IShIDga qurol yetkazib berayotganlikda aybladi.
"AQSh Suriyadagi terrorchilik guruhlarga qurol yetkazib berayapti. Yarmini Demokratik ittifoq partiyasiga, yarmini IShIDga taqdim etmoqda", -deya ta'kidlagan Turkiya rahbari.
Mavzuga oid
13:13
“Mister va missis Ogorodnikoff”: AQShda ishlagan KGB josuslari qanday fosh qilingandi?
12:55
AQSh razvedkasi Ukrainaning Rossiya ichkarisiga zarba yo‘llashiga ruxsat berilishiga qarshi
20:34 / 27.09.2024
Zelenskiy Nyu Yorkda Tramp bilan uchrashdi
18:31 / 27.09.2024