Afrika davlatlari ham Qatarni yakkalatib qo‘yishmoqchi

Niger Qatardan o‘z elchisini chaqirib oldi. Bu Doha bilan diplomatik aloqalarni uzgan arab davlatlari bilan birdamlik maqsadida qilindi. Qatarni terrorizmni moliyalashtirishda ayblashmoqda, deb xabar beradi Reuters.

Afrikaning qator davlatlari Qatarni yakkalatib qo‘yish bo‘yicha harakatlarni amalga oshirmoqda. Masalan, Senegal mamlakatdan o‘z elchisini chaqirib olish rejasi borligini ma'lum qilgan.

Diplomatik mojaro 5 iyun kuni ertalab yuz berdi. Saudiya Arabistoni, Bahrayn, BAA va Misr Qatarni terrorizmni qo‘llab-quvvatlashda ayblab, ushbu davlat bilan diplomatik aloqalarni uzishdi. Keyinchalik Yaman, Liviya, Maldiv, Mavrikiy, Mavritaniya va Komor ham ular safiga qo‘shildi.

#Qatar #Niger

Fors ko‘rfazida jiddiy siyosiy inqiroz yuzaga keldi. Saudiya Arabistoni, Misr, Bahrayn, BAA, Yaman, Liviya va Maldiv boshqa bir arab davlati Qatar bilan diplomatik aloqalarni uzdi. Bunga Qatar Eronni va terrorizmni qo‘llagani sabab sifatida ko‘rsatilmoqda.