Harri Potter haqidagi birinchi ertakka 20 yil to‘ldi

Harri Potter haqidagi ilk ertakka 20 yil to‘ldi, deb xabar bermoqda «Bi-bi-si». 1997 yilning 26 iyun kuni Londondagi Bloomsbury nashriyoti Joan Roulingning «Harri Potter va falsafa toshi» kitobini bosmadan chiqardi. 

Ayni damga kelib dunyo bo‘ylab potteriananing barcha qismlari 450 mln nusxada sotilgan.

Ko‘pchilikning fikricha, Roulingning ertaklari bolalar adabiyotiga nafaqat bolalar, balki kattalarning ham qiziqishini qaytardi.

Harri Potter haqidagi sakkizta film jahon prokatida 7,7 mlrd dollar ishlab oldi. Shuningdek, ertakka asoslangan qator spektakllar ham sahnalashtirilgan.

Avvalroq Rouling yosh sehrgar haqidagi kitoblar turkumida bosh qahramondan tashqari boshqa Harri Potter ham bo‘lgani haqida so‘zlab berdi.