Qozog‘istondagi fojiadan omon qolganlar haqida ma'lumot berildi
Qozog‘istonning Aqto‘be viloyatida yo‘lovchi avtobusi yonib ketishidan 5 kishi omon qolgan. Viloyat gubernatori Serik Tulenbergenovning ma'lumot berishicha, ularning jarohati og‘ir emas.
«52 kishi halok bo‘lgan, 5 kishi yengil darajadagi kuyish jarohatlari olgan», — deya Tulenbergenovning so‘zlarini keltirgan Sputnik Kazaxstan agentligi.
Aniqlik kiritilishicha, avtobusda jami 57 kishi bo‘lgan, ularning 54 nafari O‘zbekiston fuqarolari edi, qolgan 3 kishi — qozog‘istonliklar.
Omon qolganlar ro‘yxati:
Pernebekov Maksat (1985 yil tug‘ilgan, Qozog‘iston fuqarosi);
Qirg‘izboyev Nurjon (1968 yilda tug‘ilgan, Qozog‘iston fuqarosi);
Barat Tanatarov (1978 yilda tug‘ilgan, Qozog‘iston fuqarosi);
Mirzahmedov Isroiljon (1980 yilda tug‘ilgan, O‘zbekiston fuqarosi);
Isoqov Ahror (1988 yilda tug‘ilgan, O‘zbekiston fuqarosi).
Bundan avvalgi xabarlarda Chimkent-Samara yo‘nalishida, Aqto‘be viloyatining Irgiz tumani hududida avtobus yonib ketishi oqibatida halok bo‘lganlarning barchasi o‘zbekistonliklar bo‘lgani aytilgandi.
Mavzuga oid
12:50 / 30.09.2024
Qozog‘iston o‘zbek etnomadaniy birlashmalari uyushmasi raisi «Do‘stlik» ordeni bilan taqdirlandi
22:16 / 27.09.2024
To‘qayev korteji marshrutidan o‘q otish qurollari topildi
20:17 / 27.09.2024
Qozog‘istonda o‘zining ichki organlarini qariyb 19 ming dollarga sotmoqchi bo‘lgan shaxs ushlandi
14:00 / 27.09.2024