Yevroittifoqning nechta davlati rossiyalik diplomatlarni chiqarib yuborishga tayyorligi hisoblab chiqildi

Foto: Reuters

Yevropa ittifoqining 20ga yaqin davlati va AQSh GRU sobiq polkovnigi Sergey Skripalning zaharlanishi yuz bergani tufayli rossiyalik diplomatlarni mamlakatdan chiqarib yuborishi mumkin. Bu haqda The Times gazetasi xabar bermoqda.

Nashr ma'lumotlariga ko‘ra, rossiyalik diplomatlarni chiqarib yuborishda Fransiya, Germaniya, Polsha, Irlandiya, Niderlandiya, Estoniya, Latviya, Litva, Bolgariya, Chexiya va Daniya ishtirok etishi mumkin; ehtimoliy 20 davlat ro‘yxatidan bo‘lgan boshqa mamlakatlar nomi nashr tomonidan keltirilmagan.

Shuningdek ta'kidlanishicha, Buyuk Britaniya bosh vaziri Tereza Mey payshanba, 22 mart kuni Fransiya, Germaniya, Litva hamda Irlandiya vakillari bilan to‘rt soatlik muzokaralar o‘tkazdi, uning davomida siyosatchilar Solsberida Skripal zaharlanishiga «qat'iy javob» qaytarish borasida fikr almashdi.

Nashrdan ta'kidlashlaricha, diplomatlarni chiqarib yuborish dushanba, 26 martdan boshlanishi mumkin.

#Rossiya #Yevroittifoq #Sergey Skripal