OPeK+ vazirlari neft bozori bo‘yicha norasmiy uchrashuv o‘tkazdi

OPeK+ vazirlari o‘tkazgan norasmiy teleanjumanda neft bozoridagi bugungi holat muhokama qilindi, deb xabar berdi OPeK.

"OPeK va OPeK+ vazirlari neft bozoridagi mavjud dramatik vaziyatni muhokama qilish uchun norasmiy teleanjuman o‘tkazdi", - deyiladi OPeK tashkilotining Twitter sahifasida.

Several Ministers of the OPEC – non-OPEC producing countries, signatories of the Declaration of Cooperation held informal teleconfence to brainstorm the current dramatic oil market situation. pic.twitter.com/dIzYWhkgAG

— OPEC (@OPECSecretariat) April 21, 2020

Tashkilotning bildirishicha, vazirlar neft qazib olishni qisqartirish to‘g‘risidagi kelishuvga amal qilinishini tasdiqlagan.

Qayd etilishicha, anjumanda Jazoir, Venesuela, Nigeriya, Qozog‘iston, Ozarboyjon vakillari ham ishtirok etgan.

OPeK+ 12 aprel kuni neft qazib olishni may-iyun oylarida sutkasiga 9,7 million barrelga, yilning ikkinchi yarmida 7,7 million va 2022 yil apreligacha 5,8 million barrelga qisqartirish to‘g‘risida kelishib olgandi. 

Ammo kelishuvga qaramasdan, neft narxi tushib bormoqda. Dushanba kuni WTI rusumidagi neftning bir barreli narxi minus 37,63 dollargacha tushib ketdi.