Putin qanday hollarda Belarusga Rossiya qo‘shinlari kiritilishi mumkinligini aytdi
Putinning so‘zlariga ko‘ra, Rossiya Belarus uchun huquqni muhofaza qilish organlari xodimlaridan zaxira tayyorlab qo‘ygan, ammo ular hozircha jalb etilmaydi.
«Belarusda ekstremistik unsurlar chegaradan chiqib, talonchilik boshlaydigan bo‘lsa» Rossiya kuch tuzilmalari Belarus hukumatiga yordamga kelishi mumkin. Bu haqda Rossiya prezidenti Vladimir Putin «Rossiya-1» telekanaliga bergan intervyusida aytdi.
Uning so‘zlariga ko‘ra, Rossiya Belarus uchun huquqni muhofaza qilish organlari xodimlaridan zaxira tayyorlab qo‘ygan, ammo ular hozircha jalb etilmaydi.
«Rossiya Belarusdagi barcha muammolar tinch yo‘l bilan hal etilishidan kelib chiqadi. Hozircha Belarusda Rossiya kuchlaridan foydalanishga zarurat yo‘q, umid qilamanki, zarurat bo‘lmaydi ham», — dedi Putin.
Avvalroq Belarus mudofaa vazirligi Moskva Belarusga zirhli texnika va MI-35 vertolyotlarini yetkazib berish to‘g‘risida xabar bergandi.
Mavzuga oid
10:50 / 21.09.2024
Putin Sheynbaum inauguratsiyasida qatnashish uchun Meksikaga bormaydi
09:52 / 14.09.2024
YeI Putinning so‘zlaridan keyin Ukraina uchun qurol bo‘yicha o‘z pozitsiyasini o‘zgartirmadi
18:00 / 13.09.2024
Britaniya bosh vaziri Putinga: «Urushni Rossiya boshlagan va darhol tugatishi mumkin»
22:25 / 12.09.2024