«Formula-1»: Valtteri Bottas Rossiya bosqichida g‘alaba qozondi
Mercedes jamoasi a'zosi Valtteri Bottas “Formula-1” avtopoygalarining Rossiya bosqichida g‘alaba qozondi. Poyga Sochidagi “Sochi-Avtodrom”da bo‘lib o‘tdi.
Bu g‘alaba 31 yoshli finning Rossiya bosqichidagi ikkinchi g‘alabasidir. U bunday natijaga 2017 yilda ham erishgandi.
2-o‘rinni Red Bull poygachisi Maks Ferstappen egalladi. Yetakchi uchlikdan amaldagi chempion, Bottasning jamoadoshi Lyuis Hemilton ham joy oldi. Britaniyalik poygachi Rossiyada g‘alaba qozonganda, poygadagi jami g‘alabalar bo‘yicha afsonaviy Mixael Shumaxerning rekordini qaytargan bo‘lardi. Biroq unga buni amalga oshirishda start oldidan olgan ikkita 5 soniyalik jarimasi to‘sqinlik qildi.
Umumiy jadvalda Hemilton 205 ochko bilan peshqadamlik qilmoqda. Sochidagi poyga g‘olibi Bottas 161 ochko bilan 2-o‘rinni, Ferstappen 128 ochko bilan 3-o‘rinni egallamoqda.
Poygalarning navbatdagi - 11-bosqichi 9-11 noyabr kunlari Germaniyadagi Nyurburgring trassasida bo‘lib o‘tadi.
Mavzuga oid
20:45 / 21.09.2024
Zelenskiy Rossiya bilan muzokara uchun «uchta band» tayyorlayotganini ma’lum qildi
17:47 / 21.09.2024
Ukrainadagi urushning hozirgi pallasi: ekspertlar sharhi
15:30 / 21.09.2024
Moskva Rossiya bozorini tark etgan xorijliklar uchun to‘lovni oshirmoqchi
14:30 / 21.09.2024