Xorazmda qarzdor korxonaga tegishli supermarket binosi sotildi
Xorazm viloyati, Tuproqqal’a tumanida bankdan kredit olgan, ammo uni qaytarmagan korxonaning mulki auksionda sotildi.
Fuqarolik ishlari bo‘yicha Bog‘ot tumanlararo sudi tomonidan qarzdor korxonadan «Xalqbanki» Pitnak filiali foydasiga qariyb 1,7 mlrd so‘m kredit qarzi undirish to‘g‘risida qaror chiqarilgan.
Bu haqdagi ijro hujjati Majburiy ijro byurosining Tuproqqal’a tumani bo‘limi ish yurituviga kelib tushgan va davlat ijrochisi tomonidan ijro harakatlariga kirishilgan.
Olib borilgan ijro harakatlari jarayonida qarzdor bank oldidagi kredit majburiyatlarini ixtiyoriy muddatda bajarmagan.
Shundan so‘ng, qarzdorga tegishli bo‘lgan supermarket binosi Davlat aktivlarini boshqarish agentligi huzuridagi elektron onlayn-auksionlarini tashkil etish markazi orqali «E-ijro auksion» yagona elektron savdo maydonchasida savdoga chiqarilib, qariyb 1,6 mlrd so‘mga sotilib, mablag‘ kredit qarzini qoplash maqsadida bankning hisobraqamiga o‘tkazib berilgan.
Mavzuga oid
18:40 / 18.09.2024
Urganch davlat universiteti tomonidan o‘tkazilgan tenderda qonunbuzilishi aniqlandi
11:40 / 10.09.2024
Xorazmda 4 tup daraxt kesgan shaxs jarima va zarar uchun 27,8 mln so‘m to‘laydi
10:43 / 05.09.2024
Latviya Xorazmda matematika va IT yo‘nalishida maktab ochadi
18:31 / 19.08.2024