Yog‘ingarchilik sabab Toshkent ko‘chalarini yana suv bosdi (video)
Ertalabdan buyon to‘xtamayotgan yomg‘ir shaharning drenaj tizimidagi ahvolni yana bir marta ko‘rsatib qo‘ydi. Chinni bozor yaqinidagi ko‘prik, General Uzoqov ko‘chasi va poytaxtning ko‘plab yerosti o‘tish joylariga suv to‘planib qoldi.
Ta’kidlash kerakki, bu – noodatiy jala yoki anomal ravishda uzoq yog‘gan yomg‘ir emasdi. Lekin shu ham shahar ko‘chalariga suv toshishi uchun yetarli bo‘lyapti.
Nafaqat Toshkent, O‘zbekistonning aksariyat shaharlarida drenaj tizimi ishdan chiqqan, shaharsozlik va qurilishlarda bu masalaga yetarlicha e’tibor berilmayapti.
Toshkent shahar hokimligi 2018 yilda drenaj-lotok tizimining holatini o‘rganish bo‘yicha maxsus ishchi guruh tuzgan edi.
“Ishchi guruh tarkibiga tegishli tuman hokimligi, Obodonlashtirish boshqarmasi, “Suvsoz” korxonasi va tashabbuskor shaxslar ekspertlar sifatida jalb qilinib, yuqorida ko‘rsatilgan holatlarning kelgusida takrorlanmasligi bo‘yicha aniq takliflar ishlab chiqiladi va bajarilishi ta’minlanadi. Takliflarni ishlab chiqishda dunyoning yirik megapolis shaharlarida qo‘llangan zamonaviy texnologik yechimlar o‘rganiladi va qo‘llanadi”, – deyilgandi hokimlik bayonotida.
Mavzuga oid
07:30
Toshkentda mashinasini sotishni aytib, o‘zganing pulini o‘zlashtirgan shaxs ushlandi
14:28 / 20.09.2024
Sergelida BYD urib yuborgan o‘quvchi qiz vafot etdi
12:20 / 20.09.2024
Toshkentda tezligi yuqori BYD maktab o‘quvchisini urib yubordi
18:58 / 19.09.2024