Qarshi-Toshkent yo‘nalishidagi reys noqulay ob-havo sababli kechiktirildi
5 noyabr kuni Qarshidan Toshkentga uchishi rejalashtirilgan samolyot parvozi noqulay ob-havo sharoiti tufayli boshqa muddatga qoldirilgan. Bu haqda Uzbekistan Airways xabar qildi.
Qayd etilishicha, Qarshi xalqaro aeroportida noqulay ob-havo (ko‘rishning yetarli darajada emasligi) sharoiti tufayli, 5 noyabr kungi HY070 Qarshi–Toshkent yo‘nalishidagi qatnov 6 noyabr soat 05:30 ga majburiy ko‘chirilgan.
Qatnov ekipaji soat 05:30 qadar ob-havo yaxshilanishini kutgan va ekipajning ish vaqti tugagani ma’lum bo‘lgan. Havo kemasi sardori qatnovni soat 12:00 ga ko‘chirishga qaror qilgan.
6 noyabr kuni Qarshi–Toshkent yo‘nalishidagi HY-070 reysi belgilangan manzilga yetib borgan.
«Uzbekistan Airways aviakompaniya uchun yo‘lovchilar xavfsizligi yuqori o‘rinda turishini eslatib o‘tadi. Keltirilgan noqulayliklar uchun yo‘lovchilar va ularni kutib oluvchilardan uzr so‘raymiz», — deyiladi xabarda.
Mavzuga oid
21:49 / 16.08.2024
Uzbekistan Airways aviakompaniyasining Malayziyaga parvoz qilgan samolyotida o‘g‘rilar ushlandi
21:01 / 05.08.2024
Rossiyaliklar Uzbekistan Airways reyslarida o‘g‘rilar paydo bo‘lgani haqida shikoyat qildi
18:25 / 05.08.2024
UzAirways'ga tegishli Airbus A320 samolyoti do‘l sabab shikastlandi
20:11 / 20.07.2024