Qoʻshimcha funksionallar
-
Tungi ko‘rinish
O‘zbekiston – Misr Ishbilarmonlar kengashi tuzildi
O‘zbekiston Savdo-sanoat palatasi (SSP) va Misr ishbilarmonlar uyushmasi (MIU) rahbariyati o‘rtasida videokonferensiya aloqasi vositasida uchrashuv bo‘lib o‘tdi, deb xabar bermoqda «Dunyo».
Tadbirda ikki mamlakat o‘rtasida savdo-iqtisodiy va investitsiya hamkorligini kengaytirish, o‘zaro tovar aylanmasi va eksport hajmini oshirish, tadbirkorlar ishtirokida biznes forumlar, uchrashuvlar o‘tkazish, Port Said shahridagi erkin iqtisodiy zonalarda o‘zbekistonlik ishlab chiqaruvchilarning sanoat kooperatsiyasi va distributsiya markazini tuzish, omborxonalarni ijaraga olish masalalari atroflicha muhokama qilindi.
MIU joriy yil avgust oyida Qohirada O‘zbekiston - Misr tadbirkorlari biznes forumini o‘tkazishni rejalashtirgan. Sentabr oyida esa mamlakat SSP delegatsiyasining safari kutilyapti, uning doirasida Port Said EIZda O‘zbekiston sanoat kooperatsiyasi va distributsiya markazini tuzish imkoniyatlari o‘rganib chiqiladi.
Tadbir qatnashchilari o‘zaro hamkorlik munosabatlarini yanada kengaytirish, ikki davlat ishbilarmonlari safarlari uyushtirilishini jadallashtirish, biznes forumlari, taqdimotlar, ko‘rgazmalar, V2V va V2G shakldagi uchrashuvlarni o‘tkazishga kelishib oldi.
Uchrashuv yakunida O‘zbekiston Savdo-sanoat palatasi va Misr ishbilarmonlar uyushmasi o‘rtasida Ishbilarmonlik kengashini tuzish haqidagi hujjat onlayn tarzda imzolandi.
Mavzuga oid
13:38 / 08.11.2024
Misr Toshkent viloyatida ko‘chmas mulk sohasiga investitsiya kiritmoqchi
10:53 / 07.11.2024
Misr Samarqand viloyati tuman va shaharlarida suv ta’minoti tizimini modernizatsiya qilishi mumkin
12:32 / 06.11.2024
Misr Navoiydagi mis konida burg‘ilash ishlarini boshladi
10:00 / 31.10.2024