Janubiy Koreya universitetida "O‘zbekshunoslik" kafedrasi ochildi
"Ipak yo‘li" turizm va madaniy meros xalqaro universiteti tashabbusi bilan Koreya Respublikasining Namseul universitetida "O‘zbekshunoslik" kafedrasi ochildi.
"Dunyo" xabariga ko‘ra, "Ipak yo‘li" turizm va madaniy meros xalqaro universiteti Turizm kafedrasi mudiri Akmal Odilov hamda kafedra o‘qituvchisi Muslima Amiriddinova Namseul universitetiga tashrif buyurdi. Safar davomida universitet vitse-prezidenti, professor Yun-Seok Li va boshqa mas’ullar bilan uchrashuv o‘tkazildi. Unda ikki universitet vakillari kelishuvi asosida ochilayotgan "O‘zbekshunoslik" kafedrasi faoliyatini qo‘llab-quvvatlash masalalari ko‘rib chiqildi.
Tomonlar kafedraning O‘zbekiston tarixi va madaniyati, o‘zbek tili va adabiyotini Koreya Respublikasida keng targ‘ib qilishda muhim o‘rin egallashiga umid bildirdilar.
Namseul universiteti vitse-prezidenti Yun-Seok Li "O‘zbekshunoslik" kafedrasiga mas’ul etib universitetning o‘zbekistonlik professori Zoyir Sattorovni tayinlanganini ma’lum qildi.
Mavzuga oid
10:10 / 20.09.2024
Koreya O‘zbekiston hududlarida pellet klasteri tashkil etadi
11:52 / 04.09.2024
Koreya o‘zbekistonlik yoshlarni xalq tabobatiga asoslangan farmatsevtika sohasida o‘qitishni rejalashtirmoqda
13:09 / 31.08.2024
O‘zbekistonliklar Koreyaga mavsumiy viza bo‘yicha ham ishga yuboriladi
16:40 / 28.08.2024