Qoʻshimcha funksionallar
-
Tungi ko‘rinish
Qozog‘istonda Turkiyaning Bayraktar droni ishlab chiqarilishi mumkin
Mamlakat Mudofaa vazirligi Turkiyaning Baykar Defence kompaniyasi bilan shu haqda muzokara o‘tkazgan.
Foto: Baykar Press Office
Qozog‘iston mudofaa vaziri, general-polkovnik Ruslan Jaqsiliqov Turkiyaning Baykar Defence kompaniyasi bosh direktori Holuq Bayraqtar bilan respublikada taktik dronlarni ishlab chiqarish bo‘yicha muzokara o‘tkazdi. Bu haqda 24 oktyabr kuni Qozog‘iston Mudofaa vazirligi xabar berdi.
Muzokaralar Istanbuldagi SAHA EXPO-2024 ko‘rgazmasi doirasida o‘tkazildi va «samarali» deb ataldi.
«Tomonlar Qozog‘istonda dronlar, uchuvchi-taktik havo kemalari tizimlari va boshqa qurollarni ishlab chiqarishni mahalliylashtirish masalasi bo‘yicha yo‘l xaritasini tuzishga kelishib oldilar», deyiladi xabarda.
Qozog‘iston so‘nggi bir necha yil ichida Turkiyaning Anka dronini o‘z hududida ishlab chiqarish bo‘yicha muzokara olib bormoqda. Ishlab chiqarish 2024 yilda boshlanishi mumkinligi xabar qilingandi, biroq bu hali sodir bo‘lgani yo‘q.
Mavzuga oid
22:06 / 01.11.2024
Turkiya parlamenti «chet el agentlari» to‘g‘risidagi qonunni ko‘rib chiqadi
20:33 / 31.10.2024
Turkiya Respublikasining 101 yilligini nishonlayotgan Istanbul – fotoreportaj
15:30 / 31.10.2024
Qozog‘iston parlamenti Qozog‘iston va O‘zbekistonning ekologik tashabbuslari to‘g‘risidagi hujjatni ma’qulladi
21:48 / 30.10.2024