Стив Возняк техник мутахассислар учун таълим платформасини ишга туширди

Фото: woz-u.com

Apple ҳаммуассиси Стив Возняк техник digital-мутахассисларни ўқитиш мақсадида онлайн-платформани ишга туширди.

Woz U номини олган лойиҳа технологик соҳада карьера қилиш ғоясини илгари суришга ва соҳага кириш учун зарур бўлган билимни беришга қаратилган.

Woz U'да кўплаб ўқув дастурлари бўлади: дастурий таъминот ишлаб чиқиш ва ахборот технологияларидан бошлаб, то мобил иловаларни ишлаш ва киберхавфсизликкача.

Лойиҳанинг расмий сайтида кўрсатилишича, компаниялар янги ходимларни излаш ва ўқитиш учун Woz U ресурсларига киришлари мумкин. Шунингдек Возняк стартаплар учун акселераторни йўлга қўйишни ҳам режалаштирмоқда.

"Бизнинг мақсадимиз одамларни йиллаб қарз тўлашга мажбур қилмасдан, ўқитиш ва ишлашни ўргатишдан иборат", - дейди Возняк.

"Одамлар кўпинча технологик соҳада карьера қилишдан чўчишади, чунки улар бу билан шуғулланишнинг уддасидан чиқа олишмайди деб ўйлашади. Мен уларнинг уддалай олишини биламан ва шу боис уларга буни қандай қилишни кўрсатмоқчиман. Мен умрим мобайнида технологиялар орқали дунёни яхшилаш устида ишлаганман ва доим таълим жараёнини ҳурмат қилганман. Энди эса Woz U даври келди ва бу фақат бошланиши", - таъкидлайди Стив Возняк.

Woz U'даги таълим нархи ҳақида ҳозирча ҳеч нима маълум қилинмаган, бироқ бепул кириш курсларига эга лойиҳанинг мобил иловаси ишга тушган.

Woz U бутун дунё бўйлаб 30 мактабни ишга туширишни режалаштирмоқда.

#Стив Возняк #Woz U