Hindistonda 16 kishini o‘ldirgan fil qidirilmoqda
Hindistonning Jarkxand shtatida fillar to‘dasidan quvilgan fil ikki oy ichida 16 kishini o‘ldirdi, deb xabar bermoqda Daily Mail nashri.
Fil may va iyun oyida qator hujumlar sodir etgan. Bunday hujumlardan oxirgisi 22 iyunda yuz bergan: tongga yaqin ko‘chaga chiqqan keksa juftlik fil hujumi qurboniga aylangan.
Ma'lum qilinishicha, fil odamlar uylariga bostirib kirmagan va faqat unga juda yaqin kelgan yoki yo‘lidan chiqib qolgan odamlarni o‘ldirgan.
Mahalliy o‘rmon xo‘jaligi xodimi Satish Chandra Rayning ta'kidlashicha, hujumlarni 15–16 yoshli fil sodir etmoqda. «Ehtimol, filda kuyikish davri boshlangan va u urg‘ochi fillar uchun kurashda o‘zini haddan ziyod tajovuzkor tutgani uchun to‘dadan quvilgan bo‘lishi mumkin», deb aytgan mutaxassis.
Hozircha filni ushlashning iloji bo‘lmagan. Biroq o‘rmon xo‘jaligi xodimlari fil o‘z to‘dasi bilan birlashish ilinjida uning ortidan borayotganini aniqlashgan.
Mavzuga oid
22:19 / 24.09.2024
AQSh Hindistonga qariyb 300 ta tarixiy buyumlarini qaytaradi
21:42 / 23.09.2024
Hindistonda yashin urishi oqibatida sakkiz kishi halok bo‘ldi
09:50 / 21.09.2024
Hindiston O‘zbekistonda elektromobillar uchun akkumulyatorlar ishlab chiqarishi mumkin
17:32 / 20.09.2024