Дунёдаги яшаш учун энг арзон ва энг қиммат шаҳарлар маълум қилинди 

Британиянинг The Economist Intelligence Unit нашри мутахассислари сайёрамиздаги яшаш учун энг арзон шаҳарлар рейтингини тузишди. Рейтингда Сурия пойтахти Дамашқ етакчилик қилмоқда.

Таъкидланишича, рейтингда ҳаммаси бўлиб 133 та шаҳар номи бор. Энг арзон шаҳарлар етакчи бешталигида Дамашқдан кейинги ўринларни Каракас (Венесуэла), Олмаота (Қозоғистон), Лагос (Нигерия) ва Бангалор (Ҳиндистон) эгаллаган.

Энг қиммат шаҳар сифатида Сингапур эътироф этилган. Унинг ортидан Париж (Франция), Цюрих (Швейцария), Ҳонгконг (Хитой) ва Осло (Норвегия) келмоқда.