Қўшимча функционаллар
-
Тунги кўриниш
Рим папаси ҳисобрақамидан 20 миллион фунт стерлинг ўғирланди
Номаълум шахслар Рим папаси Францискнинг шахсий ҳисобрақамидан 20 миллион фунт стерлинг ўғирлашди.
Фото: Getty Images
La Repubblica нашрининг тергов олиб бораётган журналистларга таяниб хабар беришича, пуллар махфий ҳисобрақамда сақланган.
“Бу фунтлар қаердан келиб қолди ва нима учун керак? Нима учун папада “махфий” ҳисобрақам бор ва нега у фунт стерлингларда? Наҳотки, папага маошни Британия қироличаси тўлайди?”, деб савол билан юзланган журналист Марко Тосатти.
Таъкидланишича, ушбу воқеа Лондондаги кўчмас мулк битими билан боғланган бўлиши мумкин. Ушбу можаровий битим оқибатида Рим папасининг яқин атрофига кирган кардинал Жованни Анжело Беччиу 24 сентябрда истеъфога чиққанди. ОАВда таъкидланишича, бундай юқори лавозимдаги шахсларнинг Ватиканда истеъфога чиқиши камдан-кам юз беради.
Кардиналнинг таъкидлашича, унинг истеъфога кетишини Рим папасининг ўзи сўраган. Беччиунинг айтишича, у черковга тегишли пулларни ўз укаларига беришда гумон қилинмоқда. Бироқ у бу айбловларни рад этган.
Кардинал Беччиу Лондондаги меҳмонхона қурилишига черков пулларини инвестиция қилгани ҳақида маълумот пайдо бўлгандан кейин гумон остига тушган. Бу маълумот молиявий тергов бошланишига асос бўлган.
Мавзуга оид
12:50 / 16.08.2024
Рим папаси Ғазо секторида яна ўт очишни тўхтатишга чақирди
17:42 / 11.03.2024
«Байроғимиз оқ эмас, кўк-сариқ» – Рим папаси Украинани таслим бўлишга ундаб, танқидлар остида қолди
15:10 / 11.03.2024
Полша Рим папасининг Украина ҳақидаги сўзларини танқид қилди
11:38 / 25.09.2023