Асака тумани ҳокимлиги юристи пора олаётганда қўлга олинди

Юридик хизмат ходими туманда фаолият юритадиган фермер хўжалиги раҳбаридан минг доллар олган вақтда ушланган.

Фото: Kun.uz

Асака тумани ҳокимлигининг юридик хизмати раҳбари Х.Қ. бугун, 27 апрел куни туманда фаолият юритувчи фермер хўжалиги раҳбаридан минг доллар олаётганда ДХХ ва Бош прокуратура хузуридаги Департамент ходимлари томонидан ушланган. Бу ҳақда Kun.uz'нинг Асака тумани ҳокимлигидаги манбаси хабар бермоқда.

Манба юрист фермердан нима мақсадда пул олганидан хабардор эмаслигини билдирди.

Аввалроқ, Андижонда темирйўл станцияси тасарруфидаги ерни сотиб юбормоқчи бўлган станция бошлиғи ушлангани хабар қилинган эди.

#коррупция #Андижон вилояти #Асака тумани