Қўшимча функционаллар
-
Тунги кўриниш
Тошкент туманида ҳоким ёрдамчиси ва унинг синфдоши қўлга олинди
Тошкент тумани ҳокими ёрдамчиси ва унинг синфдоши 4 сотих ерни 30 минг долларга сотмоқчи бўлганда ушланди.
Фото: Видеодан кадр
ДХХ, Бош прокуратура ҳузуридаги департаментнинг ҳудудий бошқармалари ва ИИБ ходимлари билан ўтказилган тезкор тадбирлар давомида ер майдонларининг ноқонуний сотилишининг олди олинди.
ЎзА хабар беришича, Тошкент туманида яшовчи 40 ёшли шахс мазкур тумандаги маҳалла фуқаролар йиғинларидан бирида ҳоким ёрдамчиси лавозимида ишловчи синфдоши билан келишган ҳолда ўзганинг ишончига кириб, Тошкент шаҳар Олмазор туманида жойлашган 4 сотих ер майдонини мансабдор танишлари орқали унинг номига расмийлаштириб беришни ваъда қилган. Улар ўз «хизмати эвазига» 30 минг доллар талаб қилишган.
ДХХ ва Бош прокуратура ҳузуридаги департамент ходимлари томонидан ўтказилган тезкор тадбирда 40 ёшли шахс сўралган пулни олган вақтида ушланган. Шунингдек, унинг кўрсатмаси асосида ҳоким ёрдамчиси ҳам қўлга олинган.
Аввалроқ Зангиота тумани ҳокими ёрдамчиси пора олаётганида ДХХ томонидан ушлангани хабар қилинганди.
Мавзуга оид
11:30 / 11.01.2025
Олмазор тумани прокуратураси терговчиси 20 минг доллар пора билан қўлга олинди
13:04 / 08.01.2025
Тошкент туманида аҳоли норозилигидан кейин санитар тозалаш корхонаси билан шартнома бекор қилинди
18:18 / 03.01.2025
Навоийда “аризачи” Бош прокуратура департаменти ходимларини чув тушириб, тезкор тадбирдаги пулни олиб қочди
21:00 / 09.12.2024