Жамшид Қўчқоровга янги биринчи ўринбосар тайинланди

Эркин Рустамов иқтисодий тараққиёт ва камбағалликни қисқартириш вазирининг биринчи ўринбосари лавозимига тайинланди.

Шу кунгача у Вазирлар Маҳкамасининг масъул ходими сифатида фаолият юритган.

У бу лавозимда 2020 йил декабридан ишлаган ва 2022 йил август ойида Тошкент шаҳри Чилонзор тумани ҳокимлигига ўтказилган Саидқаҳҳор Холхўжаев ўрнини эгаллади.

Айни вақтда иқтисодий тараққиёт ва камбағалликни қисқартириш вазири Жамшид Қўчқоровнинг тўрт нафар ўринбосари бор: Эркин Рустамовдан ташқари яна бир ўринбосар Илҳом Норқулов, ўринбосарлар Адиз Бобоев ва Мирзоҳид Убайдуллаев. Яна икки ўринбосарлик ўрни вакант бўлиб турибди.