Қўшимча функционаллар
-
Тунги кўриниш
Молдова Россия гази туфайли фавқулодда ҳолат эълон қилди
Молдова парламенти депутатларининг ярмидан кўпи Россия газининг Украина орқали етказиб берилиши тўхтатилиши кутилаётгани муносабати билан мамлакатда фавқулодда ҳолат жорий этилишини қўллаб-қувватлади.
Фото: Vladislav Culiomza/REUTERS
Молдовада Россиядан газ етказиб бериш тўхташи таҳдиди туфайли фавқулодда ҳолат жорий этилади. Бундай қарор 13 декабр, жумага ўтар кечаси мамлакат парламенти томонидан қабул қилинди. Уни 101 депутатдан 56 нафари қўллаб-қувватлаб чиқди.
Молдовада 16 декабрдан 60 кунлик фавқулодда ҳолат жорий этилади. 2025 йил 1 январдан бошлаб Россиядан газнинг мамлакатга келиши тўхташи кутилмоқда.
Украина 1 январдан РФдан ЕИга газ транзитини тўхтатади
Кишинёв Россия газини Украина орқали транзит орқали олади, унинг вакиллари мамлакат «Газпром» билан Россия Федерациясидан газ транзити бўйича шартномани узайтирмоқчи эмаслигини бир неча бор айтишган. Амалдаги шартнома муддати 2024 йил 31 декабрда тугайди.
Бундан ташқари, Россия нефти ҳам Украина орқали Европа Иттифоқига «Дружба» нефт қувури орқали келади. Украинанинг «Укртрансафта» компанияси ва Россиянинг «Транснефт» компанияси ўртасида уни ўтказиш бўйича шартнома 2029 йилгача амал қилади.
Мавзуга оид
21:05 / 22.12.2024
Қатар Европага газ етказиб беришни тўхтатиб қўйиш билан таҳдид қилди
13:29 / 22.12.2024
Самарқандда табиий газ ва электрдан қарздорликни йўқ қилиб бермоқчи бўлган ходимлар ушланди
15:57 / 21.12.2024
Ўзбекистонда газ, нефт ва бензин ишлаб чиқариш камайишда давом этяпти
07:40 / 21.12.2024