Fotoreportaj: Toshkentda yangi eko bog‘ning ochilish marosimi bo‘lib o‘tdi

Bugun, 10 iyun kuni Zahiriddin Muhammad Bobur nomidagi Toshkent Markaziy eko bog‘ining ochilish marosimi bo‘lib o‘tdi. Yangi dam olish maskani 12 gektarli maydonga ega eski hayvonot bog‘i hududida qurildi.

Mazkur yangi eko bog‘ning qurilish ishlariga The Tower Mall Management Group kompaniyasi boshchilik qildi.
 
Ochilish marosimida Toshkent shahar hokimi, madaniyat va san'at arboblari, vazir o‘rinbosarlari, yozuvchi va shoirlar ishtirok etishdi. 
Tushlik vaqtida 400 dan ortiq Mehribonlik uylari tarbiyalanuvchilariga ochiq dasturxon yoziladi. Kechki vaqt esa estrada yulduzlari ishtirokida konsert dasturi namoyish etiladi. Shuningdek, bolajonlar uchun maxsus tomoshalar ham qo‘yiladi. 

Ma'lumot o‘rnida: Bog‘da sayr uchun yo‘llar va ko‘plab o‘rindiqlardan tashqari, yugurish va veloyo‘laklar, mini-futbol, badminton hamda tennis maydoni, ochiq trenajyorlar, yoga bilan shug‘ullanish uchun ayvonni ham uchratish mumkin. 

Istirohat bog‘iga kirish bepul bo‘ladi. 

Ishlash vaqti: 6:00dan - 23:00 gacha

"Kun" muxbirining Markaziy eko bog‘ ochilish marosimidan tayyorlagan fotoreportajni tomosha qiling.