Dunyoning eng kuchli smartfonlari nomi e'lon qilindi

Taniqli AnTuTu benchmarki jamoasi o‘zining Android operatsion tizimi boshqaruvi ostida ishlovchi smartfonlarining iyun oyi reytingini taqdim etdi.

Ta'kidlash joizki, AnTuTu har oy eng top smartfonlar o‘nligi ro‘yxatini chop etadi. Shuningdek u Android va iOS operatsion tizimlarida yetakchilik qiluvchi smartfonlar ro‘yxatini alohida beradi.

Kutilganidek, ro‘yxatda yetakchilik qiluvchi smartfonlarning aksariyati Qualcomm Snapdragon 845 protsessorida ishlaydi. Shunday bo‘lsa-da, ular turlicha dizaynga ega va Android'ning boshqa-boshqa versiyasida ishlaydi. 

Iyun oyida reytingda Xiaomi kompaniyasining Black Shark o‘yin smartfoni yetakchilik qildi. U 287 ming ball to‘pladi. Uning eng yaqin raqibi 284 ming ball bilan Vivo NEX bo‘ldi. Uchinchi o‘rinda esa 282 ming ball bilan OnePlus 6 smartfoniga nasib etdi. Eng kuchli smartfonlar o‘nligidan shuningdek Xiaomi Mi 8, Smartisan Nut R1, Samsung Galaxy S9+, Xiaomi Mi MIX 2s, Samsung Galaxy S9, Sony Xperia Z2 va Nubia Red Magic o‘rin olgan.