Uzbekistan Airways loukosterlar tashkil etish kechiktirilishini ma'lum qildi

«Uzbekistan Airways kompaniyasida loukosterlar tashkil qilishni rejalashtirgandik. Ammo buni biroz ortga surib turishni ma'qul topdik. Chunki ayni vaqtda kompaniyani rivojlantirish strategiyasini ishlab chiqishni rejalashtiryapmiz», dedi Umid Husanov Monopoliyaga qarshi kurashish qo‘mitasi tadbirida.

Eslatib o‘tamiz, kompaniya 2018 yil boshida loukosterlar ochilishi haqida e'lon qilgandi. O‘shanda Husanov bu masala o‘sha yilning oxirigacha hal bo‘lishini qo‘shimcha qilgandi.

2020 yil boshida ham Transport vazirligining sobiq rahbari Elyor G‘aniyev O‘zbekistonda yaqin 2-3 yil ichida kamida 5-6ta aviakompaniya ochilishini ma'lum qilgandi.