Efiopiyalik harbiylar Sudan armiyasiga qarshi yirik amaliyot o‘tkazdi  

Ma'lumotlarga ko‘ra, amaliyot oxirgi kunlar davomida hududda yuz bergan bir qator to‘qnashuvlardan keyin o‘tkazilgan. Ta'kidlanishicha, amaliyot davomida Sudan armiyasining chegaradagi Al-Fasha va Al-Sagra tumanlaridagi pozitsiyalari hujumga uchragan.  

Ma'lum qilinishicha, hujum vaqtida efiopiyalik guruhlar og‘ir artilleriya qo‘llagan. Jangovar harakatlar vaqtida halok bo‘lganlar va yaralanganlar haqida ma'lumot berilmagan.  
O‘tgan hafta ham Sudan armiyasi Efiopiya kuchlari hujumi oqibatida yo‘qotishlarga uchraganini ma'lum qilgan. Ta'kidlanishicha, sudanlik harbiylar Sudandagi aholi punkti yaqinida efiopiyalik ayirmachilar pistirmasiga duch kelgan. O‘shanda bir necha harbiy halok bo‘lgan va harbiy texnikaga zarar yetgan.  

Al-Masdar News’ning ta'kidlashicha, 19 dekabrda Sudan Efiopiya bilan chegaradosh Al-Qadarif viloyatiga qo‘shimcha kuchlar tashlagan. Rejaga ko‘ra, sudanlik harbiylar Efiopiya tomonidan bosib olingan yerlarni qaytarishga urinib ko‘rishlari kerak bo‘lgan.