COVID endemik kasallikka aylanmoqda – JSST

COVID borgan sari endemik xususiyat kasb etmoqda. Bu haqda JSST favqulodda kasalliklar bo‘linmasi texnik guruhi boshlig‘i Mariya Van Kerkxove ma’lum qildi.

Uning so‘zlariga ko‘ra, pandemiya boshlanganidan beri koronavirusda jiddiy o‘zgarishlar yuz berdi. Ammo shu bilan birga uning endemik xususiyatga ega bo‘lganini yuz foiz ishonch bilan tasdiqlash kerak emas.

Bundan tashqari, koronavirus tez-tez mutatsiyaga uchramoqda, shu bois pandemiyaning qanday rivojlanishini oldindan aytish qiyin.

"Buni gripp yoki boshqa mavsumiy infeksiyalar kabi oldindan aytib bo‘lmaydi. Biz shunga kelyapmiz, ammo hozircha yetib kelmadik", - dedi Van Kerkxove.

Avvalroq Janubiy Afrika Respublikasi olimlari koronavirus pandemiyasi epidemiyadan endemiyaga – ma’lum bir hududga xos kasallikka aylanayotganini bildirgandi.