Qoʻshimcha funksionallar
-
Tungi ko‘rinish
Buxoroda kanal muhofaza zonasidagi 125 tup daraxt kesib tashlandi
Tabiatga yetkazilgan zarar 1,7 mlrd so‘mni tashkil qilmoqda. Holat yuzasidan jinoyat ishi qo‘zg‘atilgan.
Foto: Bosh prokuratura
Peshku tumanida kanal bo‘yida o‘sib turgan 125 tup daraxt kesib tashlangani aniqlandi. Bu haqda Bosh prokuratura axborot xizmati xabar berdi.
Ma’lum qilinishicha, tumanning Mustaqillik, Chig‘irchi, Yangibozor, Sadir va Malishoyak mahallalari hududidan oqib o‘tuvchi “Zandani” kanalining muhofaza zonasida 125 tup daraxt kesilgan. Daraxtlarning 23 tupi qimmatli, 102 tupi esa qimmatbaho bo‘lgan.
Dastlabki xulosaga ko‘ra, hududda daraxtlar kesilishi oqibatida tabiatga 1,7 mlrd so‘mdan ortiq miqdordagi zarar yetkazilgan.
Holat yuzasidan Buxoro viloyati prokuraturasi tomonidan jinoyat ishi qo‘zg‘atilib, dastlabki tergov harakatlari o‘tkazish uchun ichki ishlar organlariga yuborilgan. Jinoyat ishi tergovi ustidan prokuror nazorati o‘rnatilgan.
Oldinroq Toshkentda quruvchi 10 tup daraxtni qasddan quritgani aniqlangandi.
Mavzuga oid
13:41 / 30.11.2024
Prezident yig‘ilishidan keyin Buxorodagi uchta tuman va bir shaharda hokim o‘zgardi
08:32 / 28.11.2024
Qurilish maydonidagi daraxtlarga shikast yetkazganlik uchun javobgarlik belgilandi
21:14 / 26.11.2024
Toshkentda harakatlanib ketayotgan mashinalar ustiga daraxt shoxi quladi
16:47 / 22.11.2024