“Erudit Kun.Uz” turniri boshlandi: Telegram Premium mukofotlari kutmoqda!

Kun.uz telegram botida 2025 yil 15 yanvardan boshlab yangi “Erudit Kun.Uz”  turniriga start beriladi. Bu bilan siz nafaqat O‘zbekiston va dunyo yangiliklaridan boxabar bo‘lasiz, balki salohiyatingizni oshirasiz, bilimingizni sinovdan o‘tkazib, oldinda kutib turgan mukofotlarni ham qo‘lga kiritish imkoniga ega bo‘lasiz. Bu juda oson.

Turnirda qatnashish shartlari:

• Har kunlik ishtirok: kun davomida bir marta bo‘lsa ham botga kirganingizda sizga bonus tangalar taqdim etiladi.
• Savollarga javob berish: botdagi viktorina savollariga to‘g‘ri javob berish orqali olingan tangalar to‘planadi. Har to‘g‘ri javob uchun 3 tanga beriladi, noto‘g‘ri javob uchun jarima yo‘q, aksincha ishtirok uchun 1 tanga olasiz. Savollar qiziqarli va oson, botda kun davomida sizni zeriktirib qo‘ymaslik uchun bor-yo‘g‘i uchta savol beriladi.
• Reytingda o‘z o‘rningizni kuzatish: har kuni yangi savollar e’lon qilinadi va sizning umumiy reytingdagi o‘rningiz tangalarni qancha ko‘p topishingizga qarab o‘sib boraveradi. Bot reytingida sizning o‘rningiz alohida qayd etiladi. O‘zingizni va boshqa ishtirokchilarni muntazam kuzatib turasiz.

Telegram Premium’ni qo‘lga kiritish uchun

Turnirga har kuni kirib, kunlik bonus tangalarni va to‘g‘ri javoblar uchun taqdirlovchi tangalarni olganingizda – birinchi kun 1 tanga, ikkinchi kun 2 tanga, uchinchi kun 3 tanga va shu tariqa har kuni bonus tangalari soni ortib boradi. Turnirda muntazam ishtirok etib, javoblaringiz orqali 30 kunda maksimal 465 tanga to‘plash imkoniyatingiz bor. Buning uchun kundalik ishtirokni to‘xtatib qo‘ymasligingiz kerak. Chunki oy yakunida shaffof sarhisob botda ko‘rinadi. G‘oliblarga esa:

• 3 ta birinchi o‘rin: 1 yillik Telegram Premium.
• Keyingi 10 ishtirokchi: 6 oyga Telegram Premium.
• Keyingi 20 ishtirokchi: 3 oyga Telegram Premium taqdim etiladi.

“Erudit Kun.Uz” turniri 2025 yil 15 yanvar kuni boshlanadi va 30 kun davom etadi.

Muhim ma’lumot:

• Turnirning reytingini kuzatish uchun, Telegram botda pastki o‘ng burchakda joylashgan «Yeshchyo/Yana» bo‘limiga o‘tishingiz kerak.
• Bu bo‘limda turnir jadvali va mukofotlar haqida to‘liq ma’lumotlarga ega bo‘lasiz.

Turnirda ishtirok etish orqali nafaqat bilimingizni sinash, balki Telegram Premium mukofotini qo‘lga kiritish uchun kurashing!

Telegram-bot👉 @Kunuz_News_Bot