Boeing машъум 737 MAX самолётини ишлаб чиқаришни тўхтатди
Boeing компанияси 2020 йил январдан 737 MAX самолётларини ишлаб чиқаришни вақтинчалик тўхтатишга қарор қилди. Бу ҳақда компания баёнотида айтилган.
Компанияда таъкидланишича, бу ҳолат самолётни сертификатлаш 2020 йилга кўчирилгани билан боғланган.
“Ишлаб чиқаришнинг тўхтатилиши эътиборни мавжуд самолётларнинг етказилишига мужассамлаштиришга имкон беради”, дейилган Boeing’да.
737 MAX моделидаги самолётлар парвозлари 2018 йил октябрда Индонезияда Lion Air ва 2019 йил мартда Ethiopian Air авиакомпанияларининг шу турдаги самолётлари авиаҳалокатга учрагандан кейин март ойидан тўхтатилганди. Boeing ҳозирда авиаҳалокатга олиб келган муаммоларни бартараф этиш устида ишламоқда.
АҚШ фуқаролик авиацияси федерал бошқармаси мартдаги авиаҳалокатдан кейин самолётнинг сертификатланишини текширишни бошлаган. У якунлангунга қадар бу моделдаги самолётлар парвози тақиқланган. Аввалроқ компания сертификатлаш жараёни 2019 йил охиригача якунланишига умид қилишини айтган.
Мавзуга оид
00:20
Boeing минглаб ходимларини мажбурий таътилга юборишни бошлади
18:15 / 14.09.2024
АҚШда Boeing ишчилари 2008 йилдан бери илк бор иш ташлашга чиқди. Улар нимани талаб қиляпти?
20:50 / 13.09.2024
АҚШда парвоз вақтида ҳарбий самолётнинг дум қисми узилиб тушди
21:30 / 07.09.2024