Yuragidan tromb olingan bemor 1 kunda oyoqqa turdi
62 yoshli Fediz Mansurov 4 kun avval murakkab jarrohlik amaliyotini boshdan kechirganiga qaramay, operatsiyaning ertasigayoq oyoqqa turib ketdi. O‘zbekistonda ilgari murakkab sanalgan, suyaklarni kesib, keyin qilingan yurak operatsiyasi endi yangi texnologiyalar asosida mikrojarrohlik yo‘li bilan amalga oshirilmoqda. Muvaffaqiyatli kechgan shunday jarrohlik amaliyotlaridan biri haqida bemor va uning shifokori gapirib berdi.
Akademik Vohidov nomidagi respublika ixtisoslashtirilgan xirurgiya ilmiy-amaliy tibbiyot markaziga davolanish uchun kelgan Fediz Mansurovga shifokorlar yuragida tromb borligini aytishadi va uni operatsiyaga tayyorlashadi. Mikrojarrohlik amaliyotdan muvaffaqiyatli chiqqan bemor ahvoli juda yaxshi ekanini aytadi.
“Haliyam vaqtida kelibman, tomirlarimning 50 foizi yopilib qolgan ekan”, — deydi Fediz aka.
Tibbiyot fanlari doktori, jarroh Rustam Yarmatovning aytishicha, yurak bo‘yicha MICSCAB texnikasi orqali amalga oshiriladigan mikrojarrohlik usuli dunyoda 5-6 yil oldin paydo bo‘lgan. Shu o‘rinda o‘zbekistonlik kardiojarrohlar ham ushbu amaliyotdan foydalanishni yo‘lga qo‘ygan.
Mazkur operatsiya 5 qovurg‘alararo bo‘shliqdan 6-8 sm kichik kesma orqali amalga oshiriladi. MICSCAB usuli tiklanish va kasalxonada yotib davolanish davrining qisqarishi, jarrohlikdan keyingi kamroq og‘riq holatlari, qonga kamroq ehtiyoj, yara infeksiyasi xavfi yo‘qligi, kosmetik choklari bilan ahamiyatli. Bunday operatsiyalar O‘zbekistonning o‘zida qilinayotgani esa bemorlar uchun ancha qulaylik tug‘diradi.
Shu o‘rinda shifokor Rustam Yarmatov yurak kasalliklariga chalinmaslik uchun yurtdoshlarimizga to‘g‘ri ovqatlanishni yo‘lga qo‘yish, uglevodi yuqori bo‘lgan oq non, shakar, shirin gazli ichimliklardan imkon qadar tiyilish, ularning o‘rniga meva va ko‘katlar, sut mahsulotlaridan ko‘proq iste’mol qilishni va sog‘lom turmush tarziga amal qilib, kuniga 5-8 km piyoda yurish kerakligini maslahat beradi.
Sardorbek Usmoniy
Tavsiya etamiz
Trampga Grenlandiya nima uchun kerak?
Jahon | 10:56 / 11.01.2025
Kelgusi hafta boshi uchun ob-havo prognozi e’lon qilindi
O‘zbekiston | 10:52 / 11.01.2025
Suriyadagi kutilmagan inqilobdan buyon bir oy o‘tdi. Nimalar o‘zgardi?
Jahon | 18:45 / 10.01.2025
Pokistonning Afg‘onistonga zarbalari: “Tehrike Tolibon” qanday harakat?
Jahon | 18:00 / 10.01.2025
So‘nggi yangiliklar
-
Pop tumani hokimining o‘g‘irlik qilgan o‘g‘lini qamoqdan ozod qilgan sudya “Ibratli sudya” deb topildi
O‘zbekiston | 18:19
-
Suriyaning yangi hukumati xorijiy mahsulotlar importiga ruxsat berdi
Jahon | 18:15
-
2024 yilda dunyodagi eng tirband shaharlar reytingi tuzildi
Jahon | 17:50
-
“Asosan bepul onlayn kurslardan foydalandim” - O‘zbekistonda ilk bor SAT'dan 1600 ball olgan buxorolik 18 yoshli yigit
Jamiyat | 17:45
Mavzuga oid
17:30 / 24.12.2024
O‘zbekistonda birinchi marta suyak infarkti jarrohlik amaliyoti muvaffaqiyatli o‘tkazildi
19:50 / 04.12.2024
Milliy tibbiyot markazida O‘zbekistonda ilk marta noyob jarrohlik amaliyoti bajarildi
14:32 / 16.11.2024
AQShda juftlik to‘yi uchun to‘plagan pullarni uysiz itning operatsiyasiga sarfladi
18:10 / 29.05.2022